Waxay Soomaalidu Ku Maahmaahdaa Gaal Dil Gartiisana Sii.
Gar Diid Waa Ala  Diid ,Gar Laba Nin Kama Wada Qosliso . 
Waxaana nabigu scw uu yidhi u gargaar walaalkaa haduu gar  leeyahay  iyo haduu gar daran yahayba ,markaasaa asaxaabtii waydiisay oo ay yidhaahdeen haduu garleeyahay la gartaye  haduu gardaran yahay sideen ugu gar gaaraynaa, yaa rasuululaah wuxuu yidhi nabigu u nasteexee una sheega qaladkiisa   kana qabta gar darada uu ku socdo.

Waxaan  intaa kusoo gaabinayaa Anagoo ah Bahda Jibriil Yoonis  Ee North America  Madaxwaynaha Somalilandna ka soo jeedo ..Ma nihin dad  iska raaca hadalka,Ma nihin dad  wax walba ku taageera walaalkood gar iyo gardaraba ,Ma nahin dad aan wax u fiirsan, Ma nihin dad  deg dega , Ma nihin  dad  iska xamaasadooda  sida reer bariga , Ma nihin dad dulmiga jecel,Ma nihin  dad been iyo siyaasad fool xun wax ku taageera,Ma nihin dad aan gar naqsan  ama gar qaadan,Ma nihin dad  laaluush qaatayaal ah ,Ma nihin dad xaraanta jecel ,Ma nihin dad jaarka dhiba ,Ma nihin dad  si hoose wax loogu sheego ,Ma nihin  dad  dantoodu tahay maalin dagaal ama waxa jooga uun garta . 

Hadana sidoo kale waxaanu nahay dad xeeriya Diinta Iyo Xeerka,waxaanu nahay dad dulqaad badan ,Waxaanu nahay  dad xaqooga dhacsan kara  hadii xaq ka maqan yahay,Intaa sifo  een kor kusoo sheegay  iyo waliba Waxaa iyo  wax ka badan ayaanu  nahay,,,, Hadiii aan dulucda hadalka u soo dago.

Hadal lagama wada tagee anagoo ah Bahda Jibriil Yoonis  Ee North America   waxaan aad iyo aad uga xunahay  in  qowmiyada aan kor kusoo  sifeeyay intaas oo sifo ee kor ku xusan,kuma raacsanin  kuma raacsanin ,kuma raacsanin  kuma raacsanin,Daahir Riyaale Kaahin  Madaxwaynaheena  Soomaaliland, ka baribaanu nahay  teegeerina mayno dulmi iyo gardiid ilaahayna maalinta qiyaame waana waydiinayaa in nin  madaxwaynihii Somaliland ahaa ee madax meel kasaraysa oo la salaaxaa ma jirtee ay ahaydna inuu isagu ugu dul qaad bato , Awrka Waynbaa  Geela Loo Tumaaye…. Haye iyo walaal iyo gar naqsi,  iyo xeer jajab iyo Isku Tanaasulba muujin lahaa  in uu shuruud ku xidho   dhaxdhaxaadintii  Cabdilaahi Ciro oo ilaahbay tiisa noqotaaye  niman oodi ab ka dhaw, Somaliland  dan wadaag iyo walaalaba la yahay , dhul iyo dan iyo dadba naga dhaxeeyo uu yidhaa la fadhiisan mayno  abbsultly waa  qalad.

Waxaanaanu cadaynaynaa in aan ka garaabayno  dhacdadaa C/laahi Cirro uu ku diiday  dhex dhexaadintaas.. Taas oo aan cudur daar yeelanaynin jinbaana ka  taliyay ee xaajadaa dib ha uga noqdo ayaanu leenahay Daahir  Riyaale dalka iyo maatidana  u tudh  magacaygana bari ka maalin   wax aan ku faano uga teg oo raga la hor fadhiisano kulana kaftano,Ha Noqon Heeryadiisa Cune, si fiican baa laguu soo doortay Xushmad Leh,  Dadnimo Leh, Dimuquraadiyad Leh  Dastuurkan aad sheegaysaana Diin Iyo Quraan maaha aan la qaloocin karin  hanjabaad iyo caga juglayna kugu raaci mayno  Somaliland siday ku dhisan tahayna  Waa Isku Tanaasul ,Dul Qaad Iyo Xeer Jajab ,Wada Tashi Intaa Ku Dar Iyo Kadhin.

Maantase Daahiroow Adeer waa kaa  qaloocatay   ee inta aanay sharafta iyo dadnimadu dhulka kaaga dhicin  ka noqo oo dulqaad muuji   eeg masuuliyada ku saaran ku giijidana ka daa waxaa ka fiican qalad aad arkayso hadii wax uu bur burinayo ama dan ku xumanaso  waa loo sabraa dadkuna waa kula arki   markaa xag ilaahay iyo xag aduunba  waad badbaadaysaa.

Waxa kaliya ku filan mucaaridka aniga haduu wakhtigaygii dhamaaday doorashase dhiciwaysay keena cidii aan ku wareejin lahaa waxaan hubaa  in shacabka Somaliland ku dhihi lahaayeen doorashada  nagusin oo nagaadhsii ,, Adeer xil iyo masuuliyadu waa culustahay ,waana laga ordaa  yaan laguu arkin nin ku dhagaya haddaad maanta ka tagtid wax badan oo sharaf leh oo aad samaysay ayaa jira nin walba oo caqli lehina waa ogyahay  labadii madax wayne ee kaa horeeyey nin walba dhiig ayuu faraha la galay nin walbana aakhiro waa la waydiin doonaa laakiin ilaahay mahadii intii aad joogtay nabad ayaa  lagu caana maalay dimuquraadiyad ayaad keentay dhulkii ayaa Jaamacado ,Caafimaad  ,
Waxbarasho ,Ganacsi iyo Horumarba gaarssiisay hadaba   yaan khaatumadu kaa xumaan wanaag ku dhamee ilaahayna waa kuu gargaarayaa.  

Haddaadse inta u danbaysa kaa xumaato wixii fiicnaa eed samaysay waa hal bacaad ku lis ,labana is waydiin mayso sharafta iyo danta ka  raac ha ficiltamin qandhuufta dib u liq wax xeeri … Ilaahay waydiin maayo inta aad xukunka haysid  Faysal Cali Waraabe iyo  Axmed Maxamed Maxamuud Siilaanyo toona haday  habar ama cunug ku gaajoodo .. Qof hadduu ku dhintana hadalkeedba daa ,Adaa laguu qabsanayaa   oo laguu haystaa  ha dhagaysan  qareenada jinka  ee kaa hooseeya  hana giijin xadhiga ee dabci   wa bilaa hi  towfiiq.

Alahayaw    Aqoon La’aan Ha Nagu Cadaabin Eexna Hanooga Tagin…

Waxaa  warqadan ku saxeexan in ka badan boqol qof oo Jibriil Yoonisa   degan  North America markaa iima suurta galayso inaan magacyadooda oo dhan qoro  , Bahda Soomaaliland ee Dhul Iyo Dan  iyo waliba dad naga dhaxeeyana  ha  dul qaataan  nabadoodana ha ilaashadaan  
 
Ilaahoow Cadaalada Nagu Dil   Aamiin

Khadar Jaamac  Tukaale
San diego California
hassankhadar@yahoo.com