Djibouti-(Lug)-Maanta oo bishu tahay 27 juun 2008 waxa guud ahaanba jamhuuriyada jabbuuti laga xusayaa sannadguuradii 31 aad ee kasoo wareegtay marki ayka xoroobeen  gumaysigii faransiiska kasaoo waddanka soo galay sannadkii 1884kii wuxuuna hortaba degay magaalada ubukh shan sano kadib bishii oktober1887kii ayuu usoo wareegay magaalada jabbuuti oo u ka dhigatay  goob uu ka   xakumo dalka oo dhan
 
Muddo 90 sannadood ah ayuu gumaysanayay jabbuuti inkastoo ay ugu darnayd laga soo bilaabo 1958kii illaa 1977kii  waqtiyadaasoo uu aad uxoogeeyay dilka iyo xadhiga uu ku hayay dadka iyo dalkaba ,halgan aad u dheer oo ay soo mareen bulshadu ayaa aakhirkii keentay inuu  faransiisku jagaaftiisa ka urursado  jamhuuriyadda jabbuuti una ogolaaday inay helaan xorriyad buuxda  halgankaasoo ay rag badani usoo dhinteen
 
Bishii juun 27keedii sannadkii 1977kii ayay jabbuuti  ka hoos baxday heeryadii gumaysiga waxana madaxwayne ka noqday allaha unaxariistee Xasan  Guuleed Abtidoon waxana uu jagadaasi hayay muddo 23 sannadood ah   waxana uu xilka madaxtinimada  dhigay sannadkii 2000 xilligaasoo uu jagada ku wareejiyay madaxweynaha imika ee Ismaaciil Cumar Geelle
 
Munaasibado ,xaflado iyo barnaamijyo ka waramaya taariikhdii jabbuuti iyo dhibaatooyinkii gumysiga ayaa ka socda meelo badan ka tirsan dalka jamhuuriyadda  jabbuuti waxana ka qayb qaadanaya madaxda dalka iyo dadwayne aad u farabadan oo kala yimid dibadda iyo gudaha dalkaba  hase yeeshee  safaraadaha ay jabbuuti ku leedahay dalalka dibadda ayaa iyagu xafladaha calanka waxay qaban qaabiyaan shantii sanoba mar
 
Sannadguuraha 31aad ee ka soo wareegtay  xornimadi  jabbuuti ayaa waxay kusoo beegantay xilli ay jabbuuti u diyaar tahay in dagaal la gasho dalka la jaarka ah ee Eratariya kaasoo  horraantii bishan lixaad weerar aan gabasho lahayn kusoo qaaday goobta Raasdumayra  oo ku taalla gobolka Ubukh una dhaw xuduuda Eratariya
 

Weriye:
Cilmi Yuusuf Caddawa
Lughayanews