C/raxmaan (Labo Alif) Baa Isaguna Bil Ka Hor Helay Abaal Marin Deeq Wax Barsho Ah Haseyeeshee Lama Qaadan Sobobo Siyaasadeed Awgood.

Ardayda Reer Awdal Ee Sudan Oo Horyaalnimo Aan Caadi Ahayn Ka Muujiyay Jaamacadha Dalkaasi.

Khartoum(lug)-Waxa shalay ka dhacay jaamacadda Africa ee dalka sudan -International University Of Africa- (I.U.A) xaflad aad u ballaadhan oo lagu maamuusayayay shan arday oo ahaa kuwii ugu dhibacaha sareeyay sannadkan kulliyadda sayniska ee jaamacaddaasi, shantaas arday  ayaa kala ahaa hal arday oo u dhashay dalkan sudan,mid kenyaati ah, mid Eritrean ah iyo labo Soomaali ah.

Labada arday  ee Soomaalida ah oo  nasiib u yeeshey inay ku guulaystaan abaal marin sannadeedda kulliyadda sayniska ee jaamacadda Africa ayaa kala ah:

Warsame Xaashi Caateeye  oo ah wiil reer Boorama ah kana soo aflaxay dugsiga sare ee al –Aqsa ee  Boorama haddana wax  ka barta kuliyadda sayniska qaybta Geology-ga  ee jaamacaddasi Africa ayaa waxa uu ku guulaystay kaalinta koowaad ee qaybtaasi .Warsme  ayaa la guddoonsiiyey shahaado sharaf  iyo abaal marrinno  kale oo aad u qaaliya.

2) ardayga kale ee soo maaliyeed ee ku guulaysta abaal marintaasi ayaa ah arday reer Muqdisho ah oo magaciisa layidhaa Maxamed Xaaji C/qaadir  oo isagu ugu horreeyay qaybta xisaabaadka iyo culuunta computerka.

Marka la soo dhaafo ardayda Soomaaliyeed ee wax ka barata jaamacada dalkan Sudaan ayaa waxa ardayda reer awdal ay yihiin kuwo aad uga dhex muuqda Safafka hore ee jaamcadaha wadanka suudan.

Xilli haatan bil laga joogo ayaa arday reer Boorama ah  oo wax ka barta jaamacadda Juba oo ah jaamacada labaad ee wadankan sudan ugu weyn oo ku guulaystay inuu Noqdo ardaygii ugu horeeyey ee shisheeye ah  ee ku guulaystay ka mid noqoshada 10 arday oo aha ardayda Engineeringka oo sanad walba shirkadda PETRONAS ee fadhigeedu yahay dalka Malaysia   ay u dirto dalkaasi Maleesiya si ay usoo bartaan PETROLEUM ENGINEERING .

Ardaygaas oo magaciisa la yidhaahdo C/raxmaan Daahir Ibraahim oo kasoo qalin jabiyey dugsiga sare ee Ubaya bin Kacab ee borama ayaa noqday ardaygii ugu dhibcaha sareeyay sanad Dugsiyeedka 2007-2008 ee kulliyadda Engineeringka laakiin nasiib darro markii danbe shirkadda PETRONAS PETROLEUM ayaa waxay ku qancisay C/raxmaan inuu uga tanaasulo  fursadan ardayda ree Sudaan  maadama ayna soomaaliya xubin ka ahayn shirkaddaasi petrolka ee PETRONAS.

ajanabi ha ahaadee laakiin  haddii u ka socon lahaaa wadan PETRONAS ku jira waxa u suuro  gali lahayd sida la sheegay unuu nasiib u yeesho deeqdaa waxbarasho ee aadka u qaaliga ah marka loo eego soomaalidu deeqaha waxbrasho ee ay dibadda ka helaaan, iyada ay  dhallinta reer awdal ee sudan aad uga xumaatay maalintaasi go`aankii c/raxmaan lagaga reebay 10 kaasi arday  sida ay qaar badan oo ka mid ahi noo xaqiijiyeen.

Isku soo duuboo ardayda ka soo  baxda dugsiyadda Al-Aqsa iyo Ubaya binu Kacab ayaa ah arday aad uga dhexmuuqata jaamcadaha wadankan suudaan, natiijooyin horyaal ahna ka qaata.

Tuusaale ahaan ardayga  Maxamed Xasan Daahir(Awgaab) oo dhigta Jaamacadda I.U.A  kana soo baxay dugsiga Al-aqsa ayaa  afartii sanaba muujiyay horyaalnimo aan caadi ahayn kagana baxay Darajada  A (Grade A) kulliyada Barashada Compuerka( COMPUTER STUDIES) waxa kale oo isna isla  kuliyadaa iyo isla  jaamcadaas Darajada  A  kaga qalin jabiyey sandkii hore Mukhtaar Axmed Cabsiiye oo isna kasoo baxay dugsiga al-Aqsa.

C/casiis muxumed Dhabar  oo ka soo baxay dugsiga sare ee ubaya bin kacab ayaa isaguna horyaalnimadiisa si joogto ah ugu  faral yeela  kulliyada xanaananda xoolaha ee Jaamcadda  SUDAN( Sudan University Of Science & Technology.

Isku soo wada geeyoo warsame xaashi oo ah arday aad u mustaqbal wanaagsan ayaa waxa  tahniyadaynayay  dhammaan ardayda Sooaaliyeed ee wax ka barata caasimada kharduum iyo dulahaanba sudan. Waxayna ardaydaasi Ku amaanayeen guusha isaga iyo saaxiibkii Maxamed xaaji ay u soo hooyeen Soomaalida.

                               Warsame Xaashi



                      Eng.C/raxmaan Daahir(Labo alif)

Mukhtaar  Cali Maxamed (ina Gurguurte)-Khortoom
dahir39@hotmail.com