Hargeysa-(Lug)-Waxa maalinba maalinta ka sii damabaysa sii kordhay horamarka ay ku talaabsanayaa shirkadaha gaarka ah ee ka hirgalay sanooyinkii ugu dambeeyay dalkan Soomaliland  gaar ahaan kuwa korantada iyo kuwa war isgaadhsiinta

Iyadoo taasi jirto ayay bulshada reer Hargaysa ay ka qabaan walwal iyo cabsi saayid ah oo ku aadan dhibta ay keeni karto dayaca ka muuqda xadhkaha laydhka ah.

Horamarka ay Somaliland ay gaadhay kuma kooban arimaha korantada iyo isgaadhsiinta hase ahaatee waxaa jira  horumar ay ka gaadhay dhinacayada   Waxbarshada , Dhaqaalaha,  Amaanka iyo kala danbaynta taasoo ah wax Ilahay loogu mahad naqo waayo waxaan intaas midna haysan dalal badan oo koonka ku yaala, hadaba hadii aan  u soo laabto mowduucayga oo ku saabsan  horumarka la taaban karo ee S/land ka gaadhay dhinac isgaadhsiinta ayaa aad loola dhacaa markaad aragtid  ,

Magaalo kasta iyo tuulo kasta oo S/land ku taalo oo ay ka hirgashay xidhiidhka isgaadhsiintu telfoonada iyo isticmaalka laydhka aad kula hadali kartid cidii aad u baahatidba u  dirsan kartid goortii aad u baahatid hadaba maxaad u malaynsaa magaalooyinka waawayna mar hadii aad guri kasta iyo tuula kasta ka  helaysid Telephone Land-Line ama mobile iyo nal ku shidan  doonaba ha ahaadee.sida oraahda Soomaaliyeed ee tidhaadha “ Nimco Kastaa  Nusqaanteeda Ayay  Leedahay”

Horumarkaas aadka u balaadhan ee laga sameeyey dhinaca isticmaalka korontada iyo telfoonada ayaa ah mid halistiisan wadata marka aad u fiirsatid habka aadka u qalafsan ee xadhkaha kal haga telfoonada iyo korontada laysugu geeyey  bir aad u liidata oo si fudud u dhici karta taaso leh waxyeeladeeda lana oran karo malaha dhibkeeda ayaaba ka badan waxtarkeeda oo hadii roob dabayl wataa soo da.o oo hadii birta oo dhulaka taala maba xadhiga korontada biyuhu taabtaan uu gaysan karo khasaare  mood iyo noolba leh.

Sidoo kale gawaadhida xamuulka qaada ee waa wayni hadiiba ay  jiidhaan inuu markaba dhici kara waa suurta gal  oo hakaas dhib ku gaysan karo taasi maah wax uu qaadan karo qof kastoo muwaadin ah ama garasho furan lihi.

Khasaraha ugu ba’an waxa  la dareemaa marka lugu jiro wakhtiga guga  oo ay jiraan dabaylo iyo  roobab xoogan oo jara qaar ka  mid ah xadhka ah korantada halkaasana waxaa ka dhashay dhibaatooyin halis ah oo  la taaban karo .

Hadaba waxaan  talo ahaan ugu soo  jeedin laha dhamaan shirkadaha  bixiya laydhka  iyo telfoonada in aanu ilowsiin macaashka ay doonayaan halista ka imana karta siday u taxeen oo qori ama bir yar isugu geeyeen ilaa in ka badan boqolaal xadhig taasoo aad qiyaasi kartid halisteedu heerka ay gaadhsiisan tahay loona baahan tahay inay fahmaan dhib kastoo ka soo baxdaa inay iyagu masuul ka yihiin.

Guntii iyo gebagebadii waxaan dowladeena  ka codsan lahaa inay soo saarto hab ay raacaan shirkadaha bixiya laydhka iyo telefoonada si looga gaashaanto  dhibka ka soo bixi karaa  arintaasi ayna  samayso xeer lagula xisaabtamo cidii fulin wayda awaamiirta ay soo saarto wasaarada ku shaqada lihi  xeer iqaabeed ah in ay ka qaadi doonto cidii fulin wayda  xeerkaas .

Dhinaca shirikadaha laydhka iyo telfoonada waxaa fiican in ay isticmaalaan khadka ay isticmaalaan shirkadaha qaarkood  qaabkaas oo ah  qaab  wanaagsan dhinaca  nidaamkana ku fiican waa khadka xadhka dhulka la hoos mariyo .

Wariye
Sucaad Ismaaciil Maxamed (Sucaad Sharaf)
Lughayanews-Hargeysa