Borama-(Lug)-Wasiirka arrimaha Gudaha Somaliland C/laahi ismaaciil Cirro ayaa maanta kasoo laabtay socdaal in muddo ah ugu maqnaa  xeebaha Galbeedka ee dalka halkaasoo waayadanba laga hadal hayey inay kasoo degeen  badeecado aan la cashuurin.

Sida wararku sheegeyaan Wasiirka daakhilga oo socdaalkiisan gobolka selel iyo Awdal kasoo galay dhimnaca dalka Jabuuti ayaa kormeer xaqiiqo raadis kusoo maray degaanno ka tirsan dhulka lama degaanka ah ee xeebta gobolka Awdal , kuwaasoo la sheegeyey in lagasoo dejiyey badeecado aan la cashuurin,  Wasiirka ayaa la sheegeyaa inuu tegey xeebta Bullo caddo iyo degaanada u dhexeeya lughaya iyo Saylac, halkaasoo dhinaca kale ay ciidamada qaranka ee xeebaha galbeedku kasoo qabqabteen  taahriibayaal ka yimid dalalka deriska ah  oo  doonayey inay doonyo ka raacaan dhulkaasi .

Inkastoo an wax war ah kagasoo saarin safarka wasiika waxase lagu tilmaamay inuu ahaa xaqiiqo raadin la  xidhiidhay arrimahaasi, waxyaalihii uu kusoo arkayna uu la tegi doono xafiiskiisa Hargeysa .

Dhinaca  kale xubno ka tirsan masuulyiinta magaalada Saylac iyo G/selel ayaa la sheegeyaa inay u kicitimeen dalka deriska ah ee Jabuuti halkaasoo  la sheegeyo in lagu casuumay dabbaldegyada loo samaynayo maalinta xorriyadda dalka Jabuuti .

Sida ay sheegeyaan wararakaasi waxa wafdiga  horkacaybaa layidhi badhsaabka gobolka Selel  Ismaaciil Cawaale waxana ka mid ahbaa la yidhi xubno ka tirsan shaqaalaha laamaha dawladda  ee degmada iyo gobolkaba , iyadoo xilka magaaladaasina lagaga sii tegey Guddoomiyekuxigeenka Golaha degaanka degmada Saylac Cismaan Muumin Caarre .Sidoo kale ayaa wararku sheegeyaan in madaxdhaqameedyo kasoo jeeda gobolka Awdal  iyaguna Boorama uga ambabaxeen dabbaldegyadaasi

Ambabaxa wafdiyadan Somaliland  ee dalka Jabuuti ayaa kusoo beegmay wakhti berri oo bisha June 26  Somaliland laga xusi doono gobannimada Somaliland.

Wariye:-
Maxamed Cumar Sh.(Hyane)
Lughayanews-Borama