Madaxweynaha Jamhuuriyadda Somaliland Mudane Daahir Rayaale Kaahin, waxa uu maanta Dhambaal tacsi ah u dirayaa Qoyskii  Iyo Qaraabadii iyo Xisbiga KULMIYE 

Geeridii Naxdinta lahayd ee ku timid Gudoomiyihii Ololaha Doorashooyinka Somaliland ee Gobollada Galbeedka ee  Xisbiga KULMIYE Marxuum Cali Guuleed “Cali Maarshaal”,  inta ku dhaawacantayna waxa uu ilaahay uga rajaynayaa in uu caafiyo.

Madaxweynuhu, waxa uu ilaahay uga baryayaa inuu Janadii Fardawsa ka waraabiyo Marxuumka, Qoyskii , Qaraabadii iyo Xisbiga KULMIYE-na samir iyo iimaan ka siiyo.

Dhinaca kale,  Madaxweynuhu isagoo ku hadlaya Magaciisa   Kan Xukuumada iyo  Gudoomiyaha Xisbiga Bahweynta UDUB-ba waxa uu ugu baaqay Masuuliyiinta iyo Taageerayaasha Xisbiga UDUB in Ololihii Xisbiga UDUB Berri oo Jimce ah ka samayn lahaa Gobollada dalka Somaliland oo dhan la joojiyo , si loogala qayab galo Tacsida shilka naxdinta leh eek u yimid Xisbiga Walaalahana nahay ee KULMIYE.

Allaa Mahad leh

Siciid Cadaani Mooge
Af-hayeenka Madaxtooyada Somaliland