Waa inaan  sharciga  si arxandarro ah loogu adeegsan dadka soo barakacay , haweenka iyo kuwa laga tirada badan yahay” Amiin Sh.Siciid kulliyadda shareecada iyo qaanuunka Jaamacadda Cammuud.

Borama-(Lug)-Xoghayaha  fulinta maamulka G/Awdal ayaa maanta ku dhawaad afartameeyo ruux  oo ka kala socda laamaha dawladda ama maamulka G/Awdal u qaabilsan sharci fulinta iyo kuwa ku hawlan ilaalinta caddaaladda bulshada Boorama ugu soo gebogebeeyey dood ku saabsan kor u qaadidda caddaladda mujtamaca madaniga ah  ee dembiyada loo qabsado isla markaana lagu xoojinayey xidhiidhka iyo wadashaqaynta laamahaasi iyo ururada ku hawllan daryeelka caddaladda  ee bulshada rayidka ah .

Dooddan oo ay kasoo qaybgaleen taliyayaasha ciidamada Booliska, C.I.Dda iyo xabsiyada  G/Awdal, guddoomiyayaasha maxkamadda gobolka Awdal iyo tan degmada Boorama, masuuliyiinta dhinaca qaanuunka ee Jaamacadda Cammuud, salaadiin, culimaauddiin, xubn oo ka tirsan dadka laga tirada badan yahay ururada haweenka, dadka soo barakacay iyo aqoonyahanno kale ayaa waxa khudbad kasoo jeediyey xoghayaha Gobolka Awdal C/laahi Xuseen Aare , isagoo xoghayuhu ka warramay ujeedada laga leeyahay dooddan oo uu ku tilmaamay inay tahay mid ku saabsan dhinaca horumarinta dumiqraadiyadda  Somaliland loogana jeedo sidii shacbiga iyo dawladdu uga wada qayb qaadan lahaayeen ilaalinta xuquuqda muwaadiniinta dembiyada loo qabsado ama sharciga ku gefta sidaa darteedna loo baahan yahay in  natiijada doodaasi kasoo baxday noqoto mid wax u taraysa muwaadinka caddaladdiisa iyo ilaalinta sharciga dalka .

Prof. Amiin Sh,Siciid Jaamacadda  Camuudna  cilmiga sharciga iyo qaanuunka  ka dhiga oo isna halkaasi ka hadlay ujeedada laga leeyahay wada shaqaynta Legal clininyada oo uu ku tilmaamay inay tahay iskaashi lagu ilaalinayo caddaladda muwaadinka iyo sharciga dalka  iyo xuquuda muwaadinku u leeyahay inuu helo qareen ka daafaca dembiyada loo haysto haddii aanu waxba haysanna laga bixiyo isagoo dhinaca kelena sheegay ayaa sheegay in doodani tahay tii labaad ee ay iskaga hor yimaaddaan ama ay meel soo wada fadhiistaan hay’adaha dawladda ee ku qaabilsan dhinaca cadaaladda amniga iyo garsoorku iyo kuwa madaniga ah ee ku hawllan horumarinta caddaladda muwaadinka sidaa darteedna loo wada hawlkgalo sidii mujtamaca madaniga ah ama rayidka iyo laamaha dawladdu uga wada faa’iideysan lahaayeen .

Hormoodka Kulliyadda shareecada iyo qaanuunka ayaa sidoo kale hay’adaha dawladda ku dhiirrigeliyey inaysan  sharciga  u  Amiin Sh.Xasan ayaa sidoo kale u sheegay ka qayabgeleyaasha in marka hore ay caddalad helaan dadka laga tirada badan yahay ama la takooro iyo kuwasoo barakacay kuwaasoo cabsi badan ka qaba  ciidamadaiyo iyo maxkamadaha dalka .

Saajin C/laahi Jaamac iyo  Xasan Cali Xasan kana mid ah   ururada  ka shaqeeya  dhinaca cadaaladda ayaa iyaguna ka warbixiyey sida loogu baahan yahay in dadweynuhu wax ka ogaadaan arrimaha caddaladda ,iyo dembiyada loo qabsan karo  iyagoo dhinaca kalena xuquudooda dhinaca caddaladda u madaxbannan yihiin caddaladuna ahayn mid ku jirta gacanta askariga iyo xaakimka oo keliya .

Munaasabaddan ayaa sidoo kale waxa iyaguna ka hadlay xubno ka tirsan dadka laga tirada badan yahay iyo   hoggaamiye dhaqameedyo kuwaasoo ka hadlay waxyaalaha soo maray  ee ku saabsan dhinaca caddaladda iyo gefefka sharci ee ku dhacay haweenka iyo dadka an lahayn itaalka dhaqaale iyo sida loogu baahan yahay in taakuleyn la siiyo dadkaasi lagana taageero sidii ay caddalad u heli lahaayeen  haddii dembiyo loo qabsado ama loo xidho.

Wariye:-
Maxamed Cumar Sh.(Hyena)
Lughayanews-Borama