Boorama-(Lug)-Xubin sare oo ka tirsan xisbiga kulmiye, isla markaana kasoo jeeda g/Awdal ayaa habeen Hore xabsiga dhexe ee Boorama loo taxaabay kaddib markii isaga iyo odayaal
  ka mid ah  xigatadiisa ay ciidammo qabteen  habeen hore ku qabteen  magaalada isla marrkiibana loo gudbiyey xabsiga dhexe .

Axmed Xaddi Sidci ,kana mid ah siyaasiyiinta xisbiga kulmiye ee qurbajoogga ayaan ilaa imika la ogeyn sababta loo xidhay iyo ciddii ka dambaysay xadhiggisa oo kusoo beegmay wakhti badhasaabka gobolka Awdal uu socdaal hawleed ugu maqnaa Degmada Lughaya .

Taliska ciidanka Booliska iyo saraakiisha amaanka ee gobolka oo wax laga weydiiyey xadhigga siyaasigaasi ayaan  wax tafaasiil ka bixinin, badankoodana lagasoo xigtay inaysan wax war ah ka haynin cidda ka dambaysa xadhiggiisa, mana jirto cid sheegatay.

Xadhigga Axmed Xaddi oo dad badan oo  halkan  joogaayi la  yaabeen ayaa sidoo kale  tuhun ka  dhex abuuray  masuuliyiinta dawladda  ee  gobolka maadaama xadhiggiisa aan loo marin sifo sharciya, inkastoo warar an la xaqiijini sheegeyaan in loo maray .

Inkastoo maanta la sii daayey afar  ka mid a odayaasha  xigtadiisa  ah ee lala xidhay kaddib markii sida la sheegay maxkamad la horkeenay horkeenay wax dembi ahna  lagu waayey, balse Axmed Xadii ayaa weli ku jira xabsiga lamana oga cidda uu u xidhanahay .

Xadhigga siyaasigaasi ayaa sidoo kale ka dambeeyey markii uu kasoo baxay kulan beelaha Makaahiil ee u kasoo jeeda Borama kasoo saareen  bayaan siyaasadeed, isla markaana hadallo uu ka jeediyey kulan beeleedkaasi uu kula dardaarmay in beelahaasi la shaqeeyaan xukuumadda cusub.

Dad kale ayaa iyaga ii sheegay in xadhigga siyaasigaasi ay ka dambeeyeen aad ay isku hayeen dhulbeereed Boorama ku yaalla, haseyeeshee dhulbeereedkaasi  lagasoo saaray go’aanno maxkamadeed  oo la fulin waayey, kuwaasoo   ama go’aanadaasi  oo dhulbeereedkaasi loogu xukumay  siyaasigaasi  qurbajoogga ah .

Waa markii ugu horreysay ee siyaasi ka tirsan xisbiga Kulmiye  loo xidho   siyaabo aan la ogeyn ,ila markaana loo dhaadhiciyo xabsiga dhexe  ee Boorama, waxayna dad badani farta ku fiiqayaan in  xadhigaa siyaasigaasi  wax badan la iska weydiin doono ciddii ka dambaysay .

Wariye:-
Maxamed Cumar Sh.Ibraahim-(Hyena)
Lughayanews-Boorama