Boorama-(Lug)-C/Khaddar Maxamad Cabdi ayaa maalintii shalay ahayd gaadhsiiyay deeq xoolo ah maamulka dugsigaasi sare ee Boarding ah ee Geb kaasi oo C/khaddar Maxamad Cabdi
 ugu tala galay nafaqo celin ardayda wax ka barata iyo waliba hawlwadeenada  dugsigaasi sare  ee jiifka ee Geb.

 
C/Khaddar Maxamad Cabdi oo ka mid ah ganacsatada magaalada Boorama ee gobolka Awdal  gaar ahaan  dalada Nafaqo ee fadhigoodu yahay magaalada Boorama ahna xubnaha ugu firfircoon  hawlahaasi, sidoo kale waxaa uu ka war bixiyay xaalada guud ee dugsigaasi jiifka ah ee Geb waxaanu ku tilmaamay inuu yahay  xarun wax barasho oo aad loogu oomanaa  mudana dadkii aasaasay inay khabiiro ahaayeen  madasha  laga yagleelay halkaasi  kana wada darsay dhanwalba  hadii ay noqon lahayd dhanka caafimaad, dhanka cimilada,  dhanka biyaha iyo waliba dhanka xidhiidhka oo aan kafogayn wadooyin waa wayni.
 
Sidoo kale waxaa deeqdani xoolaha ah ugu mahad ceshay  C/khaddar Maxamad Cabdi  uu gaadhsiiyay dugsiga, maamulka  isla dugsigaasi geb waxaanay ku tilmaameen inuu qabtay C/Khadar Maxamad Cabdi wax lagu dayan karo isla markaana  u horseeday ganacsatada gobolada Awdal iyo  Salalba dadwaynaha ku dhaqan   hadii ay noqon lahayd  wax qabadka guud  iyo deeqaha la gaadhsiiyo dugsigaasi yahay wax ugalaya ilaahay agtiisa.
 
C/Khaddar Maxamad Cabdi waxaa uu noqday ganacsadihii ugu horeeyay ee gaadhsiiyay deeq xoolo ah dugsigaasi Geb. 

Wariye:-
Yuusuf Cabdi Cali ‘Indhoqurux’
Lughayanews-Boorama