Boorama-(Lug)-Munaasibad balaadhan oo si heer sare ah loo soo agaasimay ayaa lagula kala wareegayay  xilka dagmada Boon ee gobolka Salal ayaa shalay ka dhacday  isla xarunta dagmada Boon.

Munaasibadani oo ay kasoo qayb galeen masuuliyiin ka kala socotay degmooyinka gobolka Salal oo ay ka mid ahaayeen Taliyaha qaybta police-ka G/Salal  C/rashiid Sh.Maxamuud  Caateeye, Gudoomiye ku xigeenka  gobolka Salal Cali Alaale,  Salaadiin ka soctay deegaanada dagmada Boon iyo kuwo ka socday  gobolka Awdal Caaqil Idiris Axmed.

 
Hadaba ka hor intii aanu galin gudoomiyaha cusub ee loo magacaabay degmada Boon ayaa ay dadwaynuhu ay  ula  taagnaayeen caleemo qoyan wada hareeraheeda kuwaasi oo ay kusoo dhawaynayaan  waftiga galbinaya gudoomiye Maxamad Khayre Dhinbiil oo  ah gudoomiye  ka tirsanaa bulsho waynta reer Boon  gaar ahaan  garabka dhalinyarta iyaga oo muujinaya raali ay ka yihiin guud ahaanba dadwaynaha  reer  Boon.

 
Markii ay bilaabantay munaasibada xilwareejintu ayaa aad arkaysay dadwayaha reer Boon oo illaa intii lagu kala tagayay munaasibada xil wareejinta ka qayb qaadanay oo ku muujinayay dareenkooda wanaagsan ee ay u hayaan gudoomiyaha cusub.

Hadaba ugu horaanti waxaa munaasibadaasi ka hadashay  hooyo ka mid ah  qurba jooga degmada Boon  hooyo Kaaha Xasan Sacad  oo ku dheeraatay qiimaha ay leedahay dagmadu iyo waliba qiimaha dalkuba waxaanay shaaca ka qaaday inay Hooyo Kaaha Xasan  Sacad    inay dalka ka baxday iyadoo ka yara 10 jir markaana uu ahaa dalku hodon amaba barwaaqo waagaasi, aanay jirana waxa hada dalka ka salagle,  waxaa kale oo ay ku dheeraatay qiimo wanaaga dadwaynaha reer Boon ay kaga jiraan wadaniyada guud ahaanba  umada ku hadasha afka soomaaliga  loona ogsoon yahay inay yihiiin umadii iyagu ugu horeeyey ee bilawday iskaa waxa u qabso.

 
Sidoo kale waxaa madashaasi ka hadlay Caaqil Idiris Axmad oo kamid ah caaqilada gobolka Awdal waxaanu ku amaanay sida  wanaagsan ee ay dadwaynaha reer Boon ula jaan qaadeen isbadalka  ka dhacaya dalka oo dhan, sidoo kale  kama aysan maqnayn salaadiinta gobolada Awdal iyo Salal.

Suldaan Muuse Dugsiiye “Sanbuurag”  oo isna madashani ka hadlay ayaa waxaa uu ugu baaqay dadwaynaha reer Bon inay uwada shaqeeyaan sidii qiimaha badnayd ee iskaa wax u qabso ahayd  dadkuna wada yihiin walaalo.

 
Gunaanadkii munaasibada  xilwareejinta ee dagmada Boon ee gobolka Salal intaasi kadib waxaa ka hadlay  gudoomiyihii hore ee degmada Boon Raage Cismaan Waabari waxaanu  shaaca ka qaaday inuu diyaar u ahaa in la helo  xubin da’ayar oo xilka maanta kala wareegta, waxaanu sheegay inuu diyaar u yahay wax la qabadka maamulkani cusub ee la wareegay talada degmada Boon.

Dhanka kale waxaa ka hadlay gudoomiyaha cusub ee degmada boon ee xilka la  wareegayay 25/12/1010-ka  oo ahaa maalmaha gabo gabada  sanadka  2010-ka  waxaanu ugu mahadnaqay waxqabadka ay ka warbixiyeen masuuliyiintii mudada dheer xilka soo haysay.

Ugu danbayntii waxaa xilka u kala wareejiyay gudoomiye ku xigeenka  gobolka Salal Cali Allaale oo isagu ku sugnaa madashaasi uguna kala wareejiyay xilka goobta ay munaasibadu ka dhacaysay, waxaanay xafladan xilwareejintu ku dhamaatay jawi aad u wanaagsan oo farxad leh.

Lughayanews-Boorama