Fardaha-(Lug)- Wararka ka imanaya magaalada Fardo-Lagu-Xidh  ayaa lagu soo waramayaa in dhawaan ka dilaaceen shuban halis ku haya dadwaynaha  ku dhaqan deegaandaasi
kaasi oo ilaa inta laga warqabo  ay u jiifaan inka badan 36 qof oo u badan haween iyo  caruur.

Dadwaynahani  ayaa sida ay wararku sheegayaan ay u dheer yihiin abaaro iyo biyo  la aan soo food saartay dalka oo dhan iyaga oo ay warar kalana ay sheegayaan  inay wali hada ay ku sugan yihiin guryahoodii ay horay ugu dhaqnaayeen  waxaanay arintaasi ay keeni kartaa in  uu sii fido xanuunkani kaasi oo gaadhaya dhamaanba xubnaha kale ee la nool bukuaankani uu asiibay shubanku.

Hadaba gargaarka ilaa hada soo gaadhay ayaa ah mid ka yimid  MCH_ka Geerisa oo aan hili Karin daawo kaafinnaysa dhibta uu  ku hayo shubankan  ka dilaacay magaalada Fardo-Lagu-Xidh iyo deegaanda ku xeeran, dadwaynaha  dhibanaha ah ee  ku dhaqan  deegaandaasi kor ku xusan  ayaa wali aan ka helin gargaaro kale oo dheeraad  ah marka laga yimaado caawimaadka MCH-ka Geerisa iyadoo aan inta badan aysan ka warhayn  xukuumad walba oo talada dalka hadba  gacanta ku haysa gaar ahaan Wasaarada caasimaadka oo shaqadeedu ahayd ka warhaynta  muwaadiniinta  ee ku dhaqan dalka oo dhan.

Dadka ku nool Xeebaha galbeed ee dalka Somaliland  hadii ay tahay xukuumadu iyo dhamaanba dadka kale ee danaynaya ka warhaynta xaalada  caafimaad ee dadwaynaha ay maalinta   wax ka doonayaan kaliya ay u gacan haadshaan  iyaga oo u balan qaadaya hadba markaasi waxyaabaha ay ugu baahan yahay balse waa mid aan dhicin amaba aan fulin balamaha ay qaadaan xukuumada mudooyinkaasi  balan qaadka u samaysa bulsho waynta danyarta ah.

Lughayanews Desk
Fardo-Lagu-Xidh, G/Salal, Somaliland