Boorama-(Lug)-Maamulka dawladda Hoose ee degmada Saylac iyo masuulyiinta Golaha degaanka ee degmadaasi ayaa  haatan soo dhammaystiray berkedo loogu talogalay in lagu kaydiyo biyaha   tuulada lagu magacaabo Laagta Morohda  kuna taal badhtamaha g/Selel .

Xubno ka tirsan maamulka degmadaasi oo uu horkacayey kuxigeenka duqa magaalada Saylac ahna k/s maayarka degmada Saylac Cismaan Muumin Caarre  oo ay la socdeen kuxigeenka taliyaha Booliska degmada iyo kuxigeenka  xoghaya dawladda hoose ee degmada Saylac ayaa saddexdii maalmood ee aan soo dhaafnayba ku hawlanaa sidii loo dhammaystiri  berkedo loogu talogalay dadka iyo duunyada ku dhaqan degaanka tuuladaasi wakhtigan  oo abaaro ba’ani weli haystaan  degaankaasi inkastoo meelo ka mid ah gobolkaasi ay roobab ka qaboojiyeen abaartaasi .

Sida ay sheegeen wararka la xidhiidha biyo kaydintan oo ahayd tii ugu horreysay ee degaankaasi laga hirgeliyo  isla markaana maamulka magaaladaasi Saylac  soo kormeero  dhibaatada abaaraha baahsani gaadhsiiyeen dadka iyo duunyada  dhulkaasi ayaa la sheegeyaa inay berkedahaasi noqon doonaan kuwa lagaga badbaadi karayo  dhibaatada biyo yaraanta  ee  dhulkaasi lama degaanka ah  weligeedba soo haystay, haatanse u muuqda in berkedahaasi soo jiidan doonaa  xooladhaqatada  dhuldaaqsinkaasi  ku nool .

Wariye:-
Maxamed Cumar Sh.Ibraahim-(Hyena)
Lughayanews-Boorama