Hargaysa-(Lug)-Madaxwaynaha Jamhuuriyada Somaliland Md. Daahir Rayale Kaahin iyo madaxda xisbiyada mucaaridka ah ee Kulmiye iyo Ucid  Md. Axmed  Maxamed Maxamuud ( Siilaanyo) iyo Md. Faysal Cali Waraabe ayaa caawa kulan ay kaga wada hadlayaan xaalada dalka iyo khilaafadka ka dhashay dib u dhacii doorashooyinka ku yeeshay qasriga Madaxtooyada.

Kulankan oo socday mudo saacado ah waxa dhinaca dawlada uga qayb galay  Madaxwaynaha oo ay wehelinayeen Madaxwayne ku xigeenkiisa Md. Axmed Yuusuf Yaasiin iyo Wasiirkiisa Maaliyada Xuseen Cali Ducaale (Cawil) halka ay gudoomiyaha xidsbiga Kulmiye ka weheliyeen Gudoomiye ku xigeenadiisa 1aad Md. Muuse Biixi Cabdi iyo 2aad Md. Cabdiraxmaan Cabdilqaadir halka ay gudoomiyaha xisbiga UCID uu la socday Xoghayaha guud ee Xisbiga Mudane Maxamed Xasan Baashe,waxaana ay kulankaas kaga heshiiyeen khilaafaadkii ka dhashay dib u dhacii doorashoioyinka.

Kulankaasi oo mudo 3 saac ku dhaw socday ayaa ku dhamaaday jawi ay isku afgarteen Madaxwaynaha iyo Xisbiyaga Mucaaridku, waxana maalinta bari ah loo balansan yahay in loo xafladeeyo qalin ku duugista heeshiis ay isla gaadheen oo lagu soo afjarayo muranadii siyaasiga ahaa ee dalka ka oognaa.

Gudoomiyaha xisbiga Ucid Eng. Faysal Cali Waraabe ayaa caawa warbaahinta u sheegay in wada hadaladii ay yeesheen madaxwayne Rayaale lagu guulaystay, waxana uu tilmaamay in maalinta bari ah ee khamiista xaflad qado sharaf ah oo uu Madaxwaynuhu u samayayn doono Axsaabta lagaga dhawaaqi doono heshiiskii ay gaadheen caawa.

“ Waxaan rajaynayaa in cadawgii Somaliland ee lahaa waxa ay Somaliland burburaysa 16ka bisha aan aroorta ka nixin doono isla markaana aan ka farxindoona shacbigeena ka walwalayay mustaqbalkooda” ayuu yidhi Gudoomiye Faysal.

Wariye:-

Cumar Maxamed Faarax

Lughayanews-Hargaysa

cumarfaarax2@hotmail.com